Shymkentte karantın 25 mamyrǵa deıin uzartyldy

ShYMKENT. QazAqparat – Shymkentte karantınge baılanysty shekteýler 25 mamyrǵa deıin sozylady. Bul týraly Aqparattyq kommýnıkatsııa-ortalyǵynda ótken brıfıngte Shymkent qalasy ákiminiń birinshi orynbasary Erbol Sadyr málim etti, dep habarlaıdy QazAqparat tilshisi.

E.Sadyrdyń aıtýynsha, elimizde búginnen bastap tótenshe jaǵdaı rejımi alynǵanymen, pandemııanyń keń taralýyna jol bermeý maqsatynda shaharda karantın tártibi saqtalady. Qazirgi tańda qalanyń kireberisterinde 18 blokpost jumys istep tur. Barlyq jaǵdaı qatań baqylaýǵa alynyp, karantın talaptary birshama jeńildetilýde.

«Shymkent qalasy aýmaǵynda karantın tártibi 25 mamyrǵa deıin saqtalady. Búginnen bastap qoǵamdyq kólikter tańǵy 07:00 men keshki 21:00 aralyǵynda tıisti sanıtarlyq normalardy saqtaı otyryp, júre bastaıdy. Qala aýmaǵyndaǵy bazarlar da erteńnen bastap 10:00-den 18:00 aralyǵynda jumys isteıdi. Tek avtokólik bazary men mal bazarlary ashylmaıdy», - dedi Erbol Sadyr.