Shymkentte qaraqshy kisini óltirip, úıin órtep jibergen
Oqıǵa 18 maýsym kúni bolǵan. Shymkent qalasynda órtengen úıdiń ishinen jergilikti turǵynnyń máıiti tabylǵan.
«29 shildede jedel-izdestirý is-sharalaryn júrgizý barysynda Shymkent qalasy Polıtsııa departamentiniń qyzmetkerleri qala turǵynyn óltirgen kúdiktini ustady. Ol aýyr qylmys jasaǵannan keıin jalpy somasy 1 mln 100 myń teńge bolatyn altyn buıymdar men aqshany urlap, turǵyn úıdi órtep jibergen. Keıin qylmys ornynan boı tasalaǵan», - dedi vedomstvodan.
Anyqtalǵandaı, kúdikti urlanǵan aqshaǵa avtokólik satyp alǵan.
«Atalǵan fakti boıynsha QR QK-niń 99-ynshy («Adam óltirý»), 192-inshi («Qaraqshylyq») jáne 202-baptarymen («Bóten múlikti qasaqana joıý nemese búldirý») sotqa deıingi tergep-tekserý júrgizilýde. 1 tamyz kúni Shymkent qalasynyń Mamandandyrylǵan tergeý soty ustalǵan azamatqa kúzetpen ustaý túrindegi bultartpaý sharasyn belgiledi. Tergeý sharalary jalǵasýda», - dedi Polıtsııa departamentinen.