Shymkentte qar jaýyp, turǵyndardy ábigerge saldy
Búginde Shymkent qalasynyń barlyq aýdan aýmaǵynda qar tazalaý jumystary júrgizilýde.
Eńbekshi aýdanynda turǵyndardyń qaýipsiz qozǵalysyn qamtamasyz etý úshin ortalyq kósheler men ishki oram joldardaǵy 293 aıaldama men 155 shaqyrym aıaq joldar qardan tazartylýda.
Al, Ál-Farabı aýdany aýmaǵynda 102 ortalyq mańyzy bar jáne 302 ishki oramdyq kóshelerde qardan tazartý jumystary qolǵa alyndy. Qar kúreý jumystaryna 25 arnaıy tehnıka men 110-ǵa jýyq adam jumyldyryldy. Sonymen qatar, aýlaishilik aıaqjoldar men aıaldamalardyń qary tazalanýda.
Abaı aýdany aýmaǵynda da qardan tazartý jumystary atqarylýda. Ortalyq kósheler boıynda, ishki aýlalarda 150 adam qar kúreý jumystaryn júrgizýde. Jalpy qardan tazartý jumystaryna 35 tehnıka jumyldyrylǵan.
Qarataý aýdany aýmaǵyndaǵy tazalyq jumystaryn 45 tehnıka men 180-nen astam qyzmetkerler atqaryp jatyr.
