Shymkentte qandaı nysandar salynady

ASTANA. QazAqparat - Shymkent qalasynyń ákimi Ǵabıdolla Ábdirahymov aldaǵy josparlary jaıynda aıtyp berdi. Búgin qala basshysy Astanadaǵy Jibek joly elderi qala merlarynyń forýmyna qatysty, dep habarlaıdy QazAqparat tilshisi.

«Shymkent qalasynyń bıýdjeti 1 mlrd dollardan asady. Biraq respýblıkalyq mártebe alǵannan keıin aldaǵy ýaqytta atalǵan soma eki esege ósedi dep otyrmyz. Al aımaqtyń jalpy ishki ónimdegi úlesi shamamen 6 mlrd dollardy quraıdy. Jartysy saýda-sattyqqa tıesili. Odan keıin óndiris pen qurylys keledi. Biz óz qalamyzdy týrızm, saýda, oıyn-saýyq pen tynyǵý ortalyǵy retinde damytýdy kózdeımiz. Sondyqtan kásibı mamandardy Shykenttiń tujyrymdamasy men strategııasyn ázirleýge shaqyramyz»,- dedi Ǵ.Ábdirahymov.

Qala basshysynyń aıtýynsha, Shymkent qalasyndaǵy batyl josparlardyń biri - «Shymkentcity» jobasy. Atalǵan joba 400 gektar jerde ornalasady. Búginde barlyq kommýnıkatsııalar tartylyp, joldar salyndy. Ortalyq saıabaqtyń qurylysy bastaldy. Onyń aınalasynda turǵyn úıler men bıznes ortalyqtar ornalasady. «Astanada «Haıvıl» kompanııasynyń turǵyn úıleri bar. Dál osy kompanııa bizge kelip, baspana salmaqshy. Biz olarǵa 50 gektar jer bólip berdik. Bıyl qurylys jumystaryn bastamaımyz dep otyr. Basqada iri kompanııalar Shymkentte óz keńselerin ashýǵa kiristi. Sosyn jaqyn arada golf pen polo alańdaryn salýdy josparlap otyrmyz. Budan bólek, akvaparkterjelisin damytýymyz qajet. Sebebi bizde shomylý merzimi uzaq. Jazda óte ystyq. Janymyzda taýlar bar. Keshke qaraı salqyndaıdy. Sondyqtan qonaq úı men meıramhanalardy kóptep salamyz» - dep atap kórsetti Ǵ.Ábdirahymov.
 

Aıta keteıik, QazAqparat tilishisine suhbat bergen Ǵabıdolla Ábdirahymov qarapaıym halyqtyń jalaqysyn da kóterýge kúsh salatynyn jetkizdi.