Shymkentte qalyń qar: Qulap, mertikken adamdar sany ósti

ShYMKENT. QazAqparat - Shymkenttegi qar qalyńdyǵy 30 sm-den asty. Eki kún ishinde kóktaıǵaqtan qulap, dárigerlerdiń kómegine júginýshilerde eki esege kóbeıdi, dep habarlaıdy QazAqparat tilshisi.

Eki kún ishinde Shymkentte 30 sm-ge jýyq qar jaýdy. Aspannan túsken aq ulpa qar áli de jaýyp jatyr. Qalada kóktaıǵaqtan kólik qozǵalysy qıyndaǵan. Degenmen, qazir kommýnaldyq sala qyzmetkerleri joldardy ashý jumystaryn júrgizýde. Sondaı-aq, kóktaıǵaqtan qulap, jaraqat alǵan turǵyndardyń qatary artqan.

«Bizdiń jaraqat beketine kelip jatqan naýqastardyń sany kúrt ósti. Keshe jáne búgin 57 adam dárigerlerdiń kómegine júgindi. Kópshiliginiń qol-aıaqtary synǵan. Sol úshin asa qajettiik bolmasa úıden shyqpańyzdar» - deıdi Shymkent qalalyq №1 klınıkalyq aýrýhanadaǵy jaraqat beketiniń dáriger-travmatology Nurlan Ábdihalyqov.

Sınoptıkterdiń aıtýynsha qar erteńge deıin jaýady. Kún raıy da aıazdy bolmaq. Qaladaǵy aýa-raıy túnde -24,-26, al kúndiz -13,-15 gradýsqa deıin tómendeıdi.

Al, Túrkistan oblysynyń soltústik aýmaǵynda -31-ge deıin, al Ońtústik aýdandarynda - 20 gradýsqa deıin salqyndaıdy.