Shymkentte qalta urlyǵymen aınalysqan úsh áıel ustaldy
ShYMKENT. QazAqparat - Shymkentte qalta urlyǵymen aınalysty degen kúdikpen úsh kelinshek ustaldy. Bul týraly ál-Farabı aýdandyq ishki ister basqarmasy tergeý bóliminiń bastyǵy Nursultan Áshimov aıtty.
Qolǵa túsken kúdiktiler - 1971, 1985 jáne 1991 jyly týylǵan azamatshalar. Úsheýi de Shymkent qalasynyń turǵyndary, esh jerde jumys istemeıdi. 
«Olar saýda ortalyqtary men bazarlarda adamdardy aldaý arqyly sómkesindegi baǵaly zattardy jáne ámııandy qoldy etip júrgen», - deıdi polıtsııa maıory N. Áshimov. Tergeý kezinde kúdiktiler buǵan deıin eki urlyq jasaǵandaryn moıyndaǵan. Onyń birinde 200 myń teńgeni úptep ketken. Qazir olarǵa qatysty QR QK 188-baby boıynsha qylmystyq is qozǵaldy. Tergeý amaldary júrip jatyr.
Almas Sultan
