Shymkentte qalalyq senbilik ótti

Shymkent qalasy ákimdiginiń baspasóz qyzmetiniń málimetinshe, tańertennen kúrek,qalaq, sypyrǵy ustaǵan qala ákimdigi men «Nur Otan» HDP Shymkent qalalyq fılıalynyń qyzmetkerleri Beket batyr kóshesi boıyn tazalap, qoqystan tazartyp, aǵash túbin qopsytyp, ákteý-syrlaý jumystaryn júrgizdi. Arnaıy kólikter qoqystardy qala syrtyna shyǵardy.

Sondaı-aq «Ortalyq saıabaqta» qalalyq ardagerler keńesi músheleri men «Aq tulpar» shahmat klýbynyń qarttary birlese otyryp saıabaq ishin tazartty. Jasy kelse de Otanǵa, qalaǵa degen súıispenshiligi mol qazynaly qarııalar óz qoldarymen gúl túpterin qopsytyp, qaǵaz-qaldyqtardy tazalap, qyzý túrde jumystar atqardy. Eńbekker qarttar qaı kezde de bolmasyn eń birinshi óz ortańa tazalyqpen qaraý-adamdyq basty qasıet ekendigin aıtty.

Jalpy qala senbilik ústinde. Qyzý túrdegi qyrýar eńbekter kósheniń shyraıyna shyraı qosa túskendeı.

Sonyń ishinde, Shymkent qalasynyń №9 kórkem gımnastıka sport túrlerinen mamandandyrylǵan balalar men jasóspirimderdiń sport mektebinde de senbilik qyzý túrde uıymdastyryldy. Atalamysh sport mektebiniń basshysy Álııa ıÝsýpovanyń basshylyǵymen jumyldyrylǵan qyzmetkerler qala kósheleri men aýlalarynyń tazarýyna mol úlesterin qosty. "Aldaǵy ýaqytta da bul shara aıaqsyz qalmaıdy", - deıdi senbilikke atsalysýshylar.

Shymkent qalasy aýmaǵyn kóriktendirý, sanıtarlyq tazalaý jáne kógaldandyrý maqsatynda 2011 jyldyń 24 qyrkúıek kúni ótkizilgen jalpy qalalyq senbilikte birqatar jumystar atqaryldy. Máselen, senbilikke qala boıynsha oblystyq jáne basqarmalar men qala ákimdikteri bergen málimet boıynsha 61507 adamdar qatysty. 182,5 shaqyrym jol jıekteri, 162,3 shaqyrym ırrıgatsııa jáne aryq júıeleri tazalanyp, 1050,3 tekshe metrn kúl-qoqys shyǵaryldy, 20243 dana aǵash áktelindi. Jumysqa barlyǵy 150 tehnıka jumyldyryldy.