Shymkentte qalalyq baǵyttarǵa jańa avtobýstar qatynaıtyn boldy
ShYMKENT. QazAqparat - Shymkentte qalalyq baǵyttarǵa jańa avtobýstar qatynaıtyn boldy. Qala ákimdigi men jolaýshy tasymaldaýshy kompanııa basshylary kezdesip, aldaǵy ýaqytta 3 jylǵa emes, 10 jyl merzimine lızıng bólý týraly kelisimshart jasaýǵa ýaǵdalasty, dep habarlaıdy QazAqparat HAA tilshisi.
Jergilikti bılik bul baǵytta kompanııalarǵa óz talaptaryn qoıdy. Máselen, jolaýshy tasymaldaýshy kompanııalar 140 kúnniń ishinde óz avtoparkin tolyq jańartyp shyǵýy tıis. Bul qadam bankterdiń osy kompanııalarǵa jańa avtobýs satyp alýǵa nesıe berip, lızıng rásimdeý úshin jasalyp otyr.
Shymkent qalasynyń ákimi Ǵabıdolla Ábdirahymov avtobýs parkin jańalaý kelisimsharty aıasynda jańa 5 «PAZ-Vektor» avtobýsyn satyp alǵan kompanııa jetekshilerimen kezdesti. Endi jańa avtobýstar №34 baǵytta jolaýshy tasymaldaıtyn bolady.
Al budan bir apta buryn shaharǵa jańa «GAZel» shaǵyn avtobýstary kelgen bolatyn. Olar №102 baǵytta qatynaıdy dep josparlanyp otyr. Kompanııa jetekshileri de shaǵyn avtobýstardy qalalyq ákimdikpen kelisim aıasynda satyp alǵan bolatyn.
Eske salaıyq, buǵan deıin kólik kompanııalary basshylarymen kezdesken qala basshysy olarǵa avtoparkterdi jańartý qajettigin eskertken bolatyn. Qala kóshelerinde eski avtobýstarǵa oryn bolmaıtynyn qadap aıtyp, olardy jańartqan jaǵdaıda kompanııalarǵa qoldaý kórsetýge ýáde bergen edi.
