Shymkentte qalalyq aýrýhananyń bas dárigeri óz-ózine qol jumsaǵan

ShYMKENT. QazAqparat - Shymkenttegi №1 qalalyq klınıkalyq aýrýhananyń bas dárigeri Mádı Bıǵalıev óz-ózine qol jumsap qaıtys bolǵan. Bul keleńsiz jaǵdaıdy qalalyq polıtsııa departamentiniń baspasóz qyzmeti resmı rastady, dep habarlaıdy QazAqparat tilshisi.

Departamenttiń baspasóz qyzmeti qaıǵyly jaǵdaıǵa baılanysty aqparat tolyq jarııa etilmeıtinin aıtady.

«Polıtsııa qyzmetkerleri Qylmystyq kodekstiń 105 «Ózin-ózi óltirýge deıin jetkizý» babymen sotqa deıingi tergeý amaldaryn júrgizip jatyr. Degenmen, Qylmystyq-protsessýaldyq kodekstiń 201-baby boıynsha, budan basqa aqparat taratylmaıdy» delingen PD habarlamasynda.

Eske salaıyq, keshe 40 jyl ǵumyryn medıtsınaǵa arnaǵan bilikti dáriger, medıtsına ǵylymdarynyń doktory, professor, joǵary sanatty hırýrg Mádı Bıǵalıev qaıtys bolǵan edi. Ol uzaq jyldar boıy №1 qalalyq klınıkalyq aýrýhananyń bas dárigeri qyzmetin abyroımen atqardy. Qazaqstan boıynsha alǵash ret naýqastardyń júregine, baýyryna jáne ótine operatsııa jasaýǵa úles qosqan. 2013 jyldan bastap atalǵan aýrýhanada 125 búırek jáne 17 baýyr almastyrý operatsııasy jasaldy.