Shymkentte qaladaǵy eń úlken oıyn-saýyq saýda ortalyǵy ashyldy
Zamanaýı úlgide boı kótergen keshenniń ashylý rəsimine oblys ákimi Janseıit Túımebaev pen elimizge tanymal birqatar azamattar jəne óńirimizdiń kəsipkerleri qatysty.
Shymkenttikterdiń qýanyshymen bólise kelgen óńir basshysy J.Túımebaev barsha turǵyndardy Təýelsizdiktiń 25 jyldyq mereı toıymen quttyqtady, dep habarlaıdy OQO əkiminiń baspasóz qyzmeti.
«Bul ortalyqtyń ashylýy el Táýelsizdiginiń 25 jyldyq merekesi qarsańynda úlken oqıǵaǵa balanyp otyr. Muny Ońtústik Qazaqstan oblysynyń turǵyndary úshin jerlesimiz kásipker Serik Tólbasov myrzanyń keremet syıy dep aıtýǵa bolady. Osyndaı ǵımarattar kóp bola berse, qalamyzdyń sáni kirip, árlene túsedi. Halqymyzdyń demalatyn orny molaıa beredi. Bul da bolsa Elbasymyzdyń kásipkerlikke jasaǵan qamqorlyǵynyń arqasynda iske asyp otyrǵan dúnıe», - dedi oblys ákimi Janseıit Qanseıituly.
Atalǵan ortalyqtyń qurylysyna jeke ınvestıtsııa jumsalǵan. Halyqaralyq deńgeıdegi erekshe ortalyqta 500-ge jýyq jańa jumys orny ashylyp otyr.
Jalpy aýmaǵy 48 myń 400 sharshy metrdi quraıtyn saýda oıyn-saýyq ortalyǵy qaladaǵy e irileriniń birine aınalyp otyr. Jobanyń qurylysy álemdik deńgeıdegi iri saýda ortalyqtarynyń jobalyq avtorlary bolǵan áıgili ulybrıtanııalyq - Benoy arhıtektýralyq kompanııasynyń ázirleýimen iske asyrylǵanyn da aıta ketken jón.
Endi munda «Chopette», «Orchestra», «New Yorker», «Lichi» syndy álemdik brendterdiń ónimderi saýdalanady. Sondaı-aq ortalyqqa kelýshiler áıgili «KFC» jáne «Hardees» tamaq óndirýshileriniń ónimderin tutynatyn bolady.
