Shymkentte qala turǵynyn úıiniń aldynda tonap ketken kúdiktiler ustaldy
ShYMKENT. QazAqparat- Shymkentte qala turǵynyn úıiniń aldynda tonap ketken kúdiktiler ustaldy. Qylmys jasaǵan seziktilerdi tártip saqshylary táýlik ishinde qolǵa túsirgen, dep habarlaıdy QazAqparat HAA tilshisi.
Keleńsiz oqıǵa qaladaǵy Respýblıka dańǵylyndaǵy aýlalardyń birinde bolǵan. Sol jerdiń 20 jastaǵy turǵynyna belgisiz úsheý tap berip, 50 myń teńgelik uıaly telefonyn tartyp alǵan.
Abaı polıtsııa bóliminiń qyzmetkerleri jedel izdestirý sharalaryn júrgizip, sol kúni-aq 1997 jáne 1999 jj.týǵan qalanyń úsh turǵynyn ustady. Olarǵa qatysty Qylmystyq kodekstiń «Tonaý» babymen is qozǵalyp, tergeý amaldary júrgizilýde. Sondaı-aq seziktilerdiń osyǵan uqsas ózge de qylmystarǵa qatysy bar-joqtyǵy anyqtalýda.
