Shymkentte qala merekesine oraı balalar kitaphanasy qaıta ashyldy
Qalalyq ortalyqtandyrylǵan balalar kitaphanasy júıesine qarasty №2 kitaphana bólimshesi 112 oramda ornalasqan. Іrgetasy 1977 jyly qalanǵan kitaphananyń 34 myńǵa jýyq kitap qory jáne 2 myńǵa jýyq oqyrmany bar. Kelýshiler sany da az emes, 20 myńǵa jetken. Al, 2013 jyly bul ǵımarat apatty dep tanylyp, jaramsyz bolǵan edi. Osyny eskergen shahar basshylary ony qaıta salý úshin qazynadan 44 mln teńge bólgen. Sáýir aıynda kitaphana irgetasynan bastap qaıta salyndy. Merdiger mekeme qyrkúıek aıynda mekemeniń kiltin tabystady. Jańa kitaphana jıhaz, kompıýterlik tehnıkamen jabdyqtalǵan. Internet jelisine qosylyp, «RABIS» elektrondy boıynsha jumys júrgizip keledi. Balalar kitaphanasynyń ashylý saltanatyna qala ákiminiń orynbasary Qaırat Nurtaı men jazýshy Marhabat Baıǵut qatysyp, lentasyn qıdy.
«Elbasymyz N. Nazarbaev «Bolashaqqa baǵdar: rýhanı jańǵyrý» maqalasynda saýatty, kreatıvti, jańa jetistikti meńgergen urpaq tárbıeleýimiz kerek degen bolatyn. Kitaphana naǵyz - bilimniń qudyǵy. Bul kitaphananyń qory az emes, endi balalarymyz kitapty elektrondy túrinde oqýyna da múmkindigi bar. Oqýshylardyń búgin kóp jınalǵanyna qýanyp turmyn»,- dep ıgi tilegin jetkizdi Qaırat Yrzaqululy.
Ǵımarattyń ashylý saltanatynda qonaqtar jańa nysandy aralap, ondaǵy kitaptarmen tanysty.
Aıta keteıik, Shymkentte 14 balalar kitaphanasy bar.
