Shymkentte qala kúni merekesine oraı buqaralyq velosherý uıymdastyryldy
ShYMKENT. QazAqparat - Shymkentte qala kúni merekesine oraı buqaralyq velosherý uıymdastyryldy. «Táýelsizdik» saıabaǵyna jınalǵan shabandozdar «Naýryz» alańyna deıingi 15 shaqyrymdy júrip ótti, dep habarlaıdy QazAqparat HAA tilshisi.
Velosherýge kez kelgen jastaǵy turǵyndar qatysty. Qozǵalys quralymen kópshilik qalanyń ortalyq kóshelerin júrip ótip, sáýletti keskin-kelbetin tamashalaı aldy. Máre syzyǵyn kesip ótken velosherýshilerdi qalalyq dene shynyqtyrý jáne sport bólimi basshysynyń mindetin atqarýshy Namazbaı Ábdiqulov «Naýryz» alańynyń tórinde daıyndalǵan minberde arnaıy marapattady.
Sonymen, synǵa qosylǵan áýesqoı sportshylar arasynda egde qatysýshylar - Aleksandr Poltoratskıı men Jadyra Іztaeva jáne eń jas qatysýshylar - Maksım Pavlov pen Aqmarjan Ospan arnaıy marapatqa ıe boldy. Al ákeli-balaly Qýanysh Asanov pen Dııas Qabylbekke sporttyq januıa retinde arnaıy syı-sııapat usynyldy. Sondaı-aq, belsendi qatysýshylar - Samat Esbolov, Talǵat Asylbekov, Shyńǵys Majıtov, Marına Varıbrýs jáne Dáýrııa Moldabekova da arnaıy marapatqa ıe boldy. Velosıpedti janyna serik etip, talaı synda baq synap úlgergen qala turǵyny Qýanysh Asanov shyn máninde, búgingi sherýden merekelik kóńil-kúı lebin sezingenin aıtady. Bul joly jarys jolyna onyń uly Dııas ta qatysqan bolatyn.
«Velosıped tebýdiń shyn máninde, adam bulshyqetin nyǵaıtyp, qan aınalymyna oń áser etetin paıdasy jetkilikti, - deıdi áýesqoı sportshy.
Velosherýge kelgender mundaı sharalar buqaralyq sporttyń damýyna serpin beretinin aıtady.
