Shymkentte izdeýde júrgen kúdikti ustaldy
ShYMKENT. QazAqparat - Shymkentte izdeýde júrgen kúdikti ustaldy. Ońtústik Qazaqstan olystyq ІІD baspasóz qyzmeti bergen málimetke sáıkes, sezikti qasaqana aýyr dene jaraqatyn salý qylmysyna qatysy bar bolyp shyqty, dep habarlaıdy QazAqparat HAA tilshisi.
Shymkent qalasyna qarasty Eńbekshi aýdandyq ІІB qyzmetkerleri 28 jastaǵy kúdiktini jeltoqsan aıynan beri izdegen. Belgili bolǵandaı, ol úsh aı buryn jergilikti turǵynmen sózge kelip, oǵan pyshaq suqqan. Keıin oqıǵa ornynan qashyp ketipti. 26 jastaǵy turǵyn bolsa alǵan aýyr dene jaraqatynan aýrýhanaǵa tústi.
Osy oqıǵa boıynsha ishki ister qyzmetkerleri Qylmystyq kodekstiń 106 baby «Qasaqana aýyr dene jaraqatyn salýmen» is qozǵap, kúdiktige izdeý jarııalanǵan edi. Qazirgi tańda qolǵa túsken sezikti ýaqytsha tergeý abaqtysyna qamaldy. Tergeý amaldary júrgizilýde.
Aıta keteıik, jyl basynan beri óńirdiń tártip saqshylary izdeýde júrgen 37 qylmyskerdi qolǵa túsirgen.
