Shymkentte iz-túzsiz joǵalyp ketken áıel 11 kúnnen keıin tabyldy

ShYMKENT. QazAqparat – Shymkentte iz-túzsiz joǵalyp ketken áıel 11 kúnnen keıin tabyldy. Jedel izdestirý sharalaryn júrgizgen polıtseıler 7 qańtar kúni joǵalǵan áıeldi taýyp, úıine qaıtardy, dep habarlaıdy QazAqparat tilshisi.

Qalalyq PD baspasóz qyzmetiniń habarlaýynsha, 3 qańtar kúni Ál-Farabı APB-nyń kezekshi bólimine 44 jastaǵy jergilikti turǵyn kelgen. Ol áıeliniń joǵalyp ketkeni týraly aıtyp, tabýǵa kómektesýge ótinish jasaǵan.

«Jergilikti turǵynnyń sózinshe, 27 jeltoqsanda 27 jastaǵy jubaıy úıden shyǵyp ketip, qaıta oralmaǵan. Tártip saqshylary kelinshekti izdestirip, taýyp alǵan. Artynsha úıine jetkizgen. Áıeldiń ómiri men densaýlyǵyna esh qaýip tóndirmeıdi. Óz kezeginde otaǵasy qajyrly jáne jaýapty jumysy úshin polıtseılerge alǵysyn bildirip, qyzmettetine tabys tiledi» delingen habarlamada.