Shymkentte iz-túzsiz ketken 9 jasar oqýshy qyz tabyldy
Shymkent qalasynyń turǵyny 9 jasar qyzynyń joǵalyp ketkenin aıtyp, polıtsııaǵa aryzdanǵan.
Anasynyń aıtýynsha, qyzy shamamen 13:00 kezinde mektepke shyǵyp ketip, qaıta oralmaǵan.
Atalǵan jaıt boıynsha ál-Farabı aýdany polıtsııa basqarmasynyń qyzmetkerleri jedel izdestirý sharalaryna kirisken.
Tártip saqshylary balanyń ata-anasynan kishkentaıdyń fotosýretin alyp, izdestirgen.
Nátıjesinde 4-synyp oqýshysy saǵat 21:38 shamasynda «Sport» shaǵyn aýdanynan aman-esen tabyldy.
Tártip saqshylary balalardy nazardan tys qaldyrmaýyn suraıdy.
Sondaı-aq 26 qańtar kúni Shymkent qalasy Bozaryq eldi mekeni Dırmen kóshesiniń turǵyny Qarataý aýdany polıtsııa basqarmasyna kelip, jasóspirim qyzynyń joǵalǵanyn aıtqan.
Anasynyń aıtýynsha, qyzy tańǵy saǵat 08:30 shamasynda úıden mektepke shyǵyp ketip, qaıta oralmaǵan. Aryz boıynsha atalǵan mekenjaıǵa basqarmanyń jedel-tergeý toby shyǵyp, izdeý sharalaryn bastaǵan.
Jedel izdestirý nátıjesinde mektep oqýshysy Shymkent qalasy Ǵ.Ilıaev kóshesiniń boıynda ornalasqan «Dınamo» stadıony aýmaǵynan aman-esen tabyldy.