Shymkentte isker áıelder aldaǵy prezıdent saılaýyn talqylady

ShYMKENT. QazAqparat - «Nur Otan» partııasynyń Shymkent qalalyq fılıalynda isker áıelder qaýymdastyǵynyń aldaǵy saılaýǵa arnalǵan kezdesýi ótti. Basqosýǵa qaýymdastyq tóraǵasynyń orynbasary Dıgaı Taısııa men «Atameken» óńirlik kásipkerler palatasy janyndaǵy áıelder keńesiniń tóraǵasy Alma Arhabaeva, «Farmatsevtıkalyq qyzmetti damytý jáne qoldaý birlestigi» dırektory Hadısha Áljanova men BAQ ókilderi qatysty, dep habarlaıdy QazAqparat tilshisi.

Otyrysty Shymkent qalalyq isker áıelder qaýymdastyǵynyń tóraǵasy Elmıra Sozaqbaeva ashyp, basqosýǵa jınalýdyń mańyzyna toqtaldy. Jıynda elimizde kezekten tys prezıdent saılaýyn ótkizý jáne quqyqtyq saýattylyqty arttyrý máselesi sóz boldy. Kezdesý barysynda bıznestegi názik jandar Tuńǵysh Prezıdent - Elbasynyń el irgesin bekitý men qoǵamdyq turaqtylyqty qalyptastyrý jónindegi bastamasyn qoldady. Halyqtyń ál-aýqatyn arttyrý jolynda jasaǵan eńbegine laıyqty baǵa berip, bolashaq prezıdenttiń de osy sara joldy jalǵastyrýǵa laıyqty tulǵa bolǵanyn qalaıtynyn bildirdi.

«Biz taǵy bir tarıhı oqıǵanyń kýási boldyq. Qazaqstan bıliginiń aýysýy - eldiń tatýlyq pen berekeden aıyrylmaǵan, birligi bekem ári tynyshtyq súıgish memleket ekenin taǵy bir márte dáleldedi. Qasym-Jomart Toqaevtyń prezıdent saılaýyn ýaqyt ozdyrmaı, 9 maýsymǵa belgileýin isker áıelder de quptaıdy», -dedi Shymkent qalalyq isker áıelder qaýymdastyǵy tóraǵasynyń orynbasary Taısııa Dıgaı.

Jıyn sońynda Іsker áıelder qaýymdastyǵynyń ókilderi biraýyzdan kezekten tys saılaýdyń ótýin qoldaıtynyn bildirdi.