Shymkentte iri kólemde jalǵan eýro satqan kúdikti sottaldy

ShYMKENT. QazAqparat – Qarjylyq monıtorıng agenttiginiń Shymkent qalalyq departamenti iri kólemde jalǵan eýro satqan kúdiktini ustady, dep habarlaıdy QazAqparat QR Qarjylyq monıtorıng agenttigine silteme jasap.

Azamat B.Qorǵanbaev jalǵan eýrony Ózbekstan Respýblıkasynda qunynyń 50% tólep, satyp alǵan. Keıin ony túrli joldarmen Qazaqstanda sata bastaǵan.

«Aýmaqtyq departament qyzmetkerleri Shymkent qalasyndaǵy bankterdiń birinde jumys isteıtin mamandardyń klıentterge 4000 eýro bergenin anyqtady. Tergeý barysynda B.Qorǵanbaevtyń bul qylmysqa qatysy bary dáleldendi», - delingen habarlamada.

Azamat B.Qorǵanbaev buǵan deıin alaıaqtyq áreketi úshin sottalǵan.

Sondaı-aq, ol aqsha alǵan tanystaryna qaryzyn jalǵan eýromen qaıtaryp otyrǵan.

B.Qorǵanbaev nomınaly 500 eýro bolatyn 10 myń jalǵan eýrony zańsyz paıdalanǵan.

Ol osy qylmystyq áreketi úshin 5,5 jylǵa bas bostandyǵynan aıyryldy.