Shymkentte ınternet-alaıaqtardyń tórt toby ustaldy

ASTANA. QazAqparat - Іshki ister mınıstriniń orynbasary Erjan Sádenov jumys saparymen Shymkentke bardy, dep habarlaıdy QazAqparat ІІM baspasóz qyzmetine silteme jasap.

Іshki ister mınıstrligi basshysynyń orynbasary Shymkent qalalyq polıtsııa basqarmasynyń jeke quramymen jumys keńesin ótkizdi. Erjan Sádenov Prezıdent Joldaýynda aıtylǵan tapsyrmalardy júzege asyrý úshin qalalyq polıtsııa qyzmetkerleri elimizdegi qylmystyq ahýaldy turaqtandyrýǵa jáne azamattardyń qaýipsizdigin qamtamasyz etýge basa nazar aýdarýy qajet ekenin atap ótti.

Sonymen qatar, Shymkentte kıberqylmysty ashýdyń oń úrdisi baıqalady – jyl basynan beri polıtseıler ınternet-alaıaqtyqpen aınalysqan tórt qylmystyq topty ustaǵan.

«Elimizdegi kóptegen oblys turǵyndary alaıaqtyq qurbany boldy. Osyǵan baılanysty Sádenov osy qylmys túriniń aldyn alý jumystaryn belsendi túrde jalǵastyrýdy, barlyq jerde azamattarǵa asa saq bolýdy jáne alaıaqtardyń aıla-amaldaryna túspeýdi túsindirýdi tapsyrdy», - delingen habarlamada.

Sondaı-aq, Іshki ister mınıstrligi basshysynyń orynbasary esirtki bıznesine jáne turmystyq zorlyq-zombylyqqa qarsy kúres jumystaryn, olardyń aldyn alýdy kúsheıtý qajet ekenin aıtty.

Shymkent qalalyq PD basshysy Qaırat Dálbekov Memleket basshysynyń ishki ister organdarynyń aldyna qoıǵan mindetterin júzege asyrýda qalalyq polıtsııanyń jeke quramy turaqty negizde jemisti jumys atqaratynyna sendirdi.