Shymkentte International Education Fair bilim kórmesi ótip jatyr
Kórmeniń saltanatty ashylýyna AQSh-tyń Kolorado shatytynyń Fort Kollıns qalasynyń meri Wade O. Troxell, «Halyqaralyq baǵdarlamalar ortalyǵy» AQ prezıdenti Janbolat Meldeshov jáne Shymkent qalasy ákimshiliginiń ókilderi qatysady.
Jalpy kórmege 40 elden kelgen 200-ge ýnıversıtet ókilderi qatysyp otyr. Al, arnaıy Shymkent qalasynda 96 joǵarǵy oqý ornynan kelgen 150 sheteldik ókilder bilimge qatysyp otyr. Sonymen qatar bul ýnıversıtetterdiń ishinde 60% qazaqstandyq azamattar úshin tegin turatyn oryn men stıpendııa berýge daıyn. Keıbir joǵary oqý oryndar bir jyldyq til úırený kýrstarynan ótý múmkindikterin beredi. 
Kórme aıasynda bilim berý salasyndaǵy sheteldik sarapshylardyń qatysýymen semınarlar men dóńgelek ústelder ótkizý josparlanýda. Sondaı-aq, kórme qatysýshylary úshin ýájdemelik hattardy jáne halyqaralyq testileýlerdi jazý boıynsha tájirıbelik master-klasstar ótkiziletin bolady.
Іs-sharaǵa AQSh, Ulybrıtanııa, Sıngapýr, Japonııa, Shveıtsarııa, Polsha, Vengrııa, Ispanııa, Lıtva, Ońtústik Koreıa, Qytaı jáne t.b. eýropalyq standarttary boıynsha bilim beretin joǵary oqý oryndary qatysady.
Sondaı-aq, kórmege jalpy tegin bilim beretin Fınlıandııa, Chehııa, Germanııa, Frantsııa elderiniń joǵary oqý oryndary qatyspaq. Atalǵan elderge tegin oqýǵa túsý úshin tek qujat jınap, konkýrstyq irikteýden ótý qajet, bul jumysta Halyqaralyq baǵdarlamalar ortalyǵy talapkerlerge kómek kórsetýge daıyn.
Kórmeniń negizgi maqsaty - Qazaqstan azamattarynyń shetelde tegin bilim alý múmkindikteri týraly aqparattandyrý jáne otandyq joǵary oqý oryndary men sheteldik ýnıversıtetter arasyndaǵy yntymaqtastyqty keńeıtý. 
