Shymkentte ınfraqurylym júıesi tartylýda
ShYMKENT. QazAqparat - Shymkent qalasyna «Nurly jol» baǵdarlamasy aıasynda respýblıkalyq bıýdjetten 7,4 mlrd. teńge bólinip otyr. Bul qarjy 11 nysannyń qurylysyn júrgizýge jumsalady.
Qazirgi tańda atalǵan nysandardyń merdigerleri anyqtalyp, qurylysqa qajetti qarjynyń 3,1 mlrd. teńgesi ıgerildi. Bul týraly «Ońtústik Qazaqstan» basylymy jazyp otyr.
Aıta ketý kerek, qala turǵyndarynyń 85 paıyzy búginde ortalyqtandyrylǵan sapaly aýyzsýmen qamtylyp otyr. Injenerlik júıelerdi qalpyna keltirý, jańǵyrtý jumystarynyń arqasynda turǵyndardyń 41 paıyzy káriz júıesimen, 86 paızy gazben, 84 paıyzy sapaly elektr qýatymen qamtylǵan. Bıyl 47 ınjenerlik júıeni salýdy qajet etetin 47 nysannyń qurylysyna 18,6 mlrd. teńge bólindi.
Sonymen birge, shaharda 9 aýyzsý qubyrynyń qurylysy júrgizilip, bıyl onyń jeteýi paıdalanýǵa beriledi. Osynaý ıgi istiń nátıjesinde qaladaǵy 98 myń turǵyn aýyzsýmen qamtamasyz etiledi. Al, elektrmen qamtamasyz etý baǵytynda 10 jobanyń qurylysy júrgizilip, altaýynyń qurylysy tolyq aıaqtaldy. Osylaısha bul kórsetkish 84 paıyzdan 88 paıyzǵa ósip otyr. Gazben qamtamasyz etý baǵytynda júrgizilgen 8 jobanyń tórteýi aıaqtalyp, el ıgiligine berildi. 64 myń halyq ortalyqtandyrylǵan káriz júıesimen qamtylǵan.
