«Shymkentte HQO aldynda uzyn-sonar kezek»: Vıdeoǵa túsinik berildi
Kadrdan tańerteńmen kezekke kelgen turǵyndardyń kóptigin kórýge bolady. Vıdeo avtory – kólik ıesi de túngi saǵat 1-de 46-shy bolyp kezek alǵanyn aıtqan. Bul jaǵdaıǵa baılanysty «Azamattarǵa arnalǵan úkimet» memlekettik korporatsııasynyń Shymkent qalasy boıynsha fılıaly resmı túrde jaýap berdi.
«Áleýmettik jelilerde taratylǵan vıdeo 2021 jyly túsirilgen. Qazirgi kezde Dostyq yqsham aýdanyndaǵy mamandandyrylǵan HQKO-da qyzmetter tolyq kólemde kórsetilip jatqan joq. Sebebi ǵımaratta ishinara jóndeý júrgizilip jatyr. Qazirgi tańda mamandandyrylǵan HQKO-da praktıkalyq emtıhan tapsyrý jáne daıyn qujattardy alý sııaqty qyzmetter qoljetimdi. Klıentter kóp jınalyp jatqan joq», - delingen resmı habarlamada.
Osynyń aldynda «Shymkentte bazarlar jabylady» degen feık-aqparat tarady. Bul Sanıtarııalyq-epıdemıologııalyq baqylaý departamenti basshysynyń orynbasary A.Ahmetovtiń 2021 jyly bergen suhbaty ekendigi, vıdeo shyndyqqa janaspaıty aıtyldy.
Aıta keteıik, búgin tańerteń eGov.kz Telegram-kanalynda júıede tehnıkalyq aqaý shyǵyp, qazir memlekettik qyzmetterdi alý múmkindigi joqtyǵy habarlandy.
Vıdeodan alynǵan kadr
