Shymkentte halyqaralyq «Shymkent ATP Challenger» tennıs týrnıri bastaldy

ShYMKENT. QazAqparat - Shymkentte halyqaralyq «Shymkent ATP Challenger» tennıs týrnıri bastaldy. Qazaqstan tennıs federatsııasy men Halyqaralyq tennıs federatsııasy birlese uıymdastyrǵan jarysqa qatysý úshin 25-ten astam elden 100-ge jýyq kásipqoı oıynshy tapsyrys berdi, dep habarlaıdy QazAqparat tilshisi.

Júlde qory 50 myń AQSh dollarynan asatyn jarystyń saltanatty ashylý rásiminde Shymkent qalasy ákiminiń orynbasary Qaırat Nurtaı sóz sóıledi. Budan soń tennıs federatsııasynyń vıtse-prezıdenti, ulttyq qurama kapıtany Dıas Dosqaraev sportshylarǵa sáttilik tiledi.

Halyqaralyq doda aldynda, 9 maýsymda Shymkenttegi Ulttyq tennıs ortalyǵynda Qazaqstannyń ulttyq quramasyna kiretin otandyq tennıs juldyzdarynyń qatysýymen balalarǵa arnalǵan sheberlik sabaǵy ótkizildi. Andreı Golýbev, Aleksandr Nedovesov, Dostanbek Tashbýlatov, Tımýr Habıbýlın, Denıs Evseev, Grıgorıı Lomakın sııaqty ataqty sportshylar balalarmen birge jattyqty.

Mundaı aýqymdy sharalar tennıs sportynyń Shymkentte qarqyndy túrde, álemdik deńgeıde damyp kele jatqanyn kórsetedi.