Shymkentte halyqaralyq izdeýde júrgen kúdikti ustaldy

ASTANA. QazAqparat - Shymkentte halyqaralyq izdeýde bolǵan kúdikti ustaldy. Bul týraly búgin brıfıng barysynda QR ІІM resmı ókili Almas Sadýbaev aıtty, dep habarlaıdy QazAqparat tilshisi.

«Túrkistan oblystyq ІІD jedel ýákilderi Shymkentte lombardqa qaraqshylyq shabýyl jasap, 1 mıllıon teńgeden astam aqsha men altyn buıymdardy tonaý qylmysyna qatysy bar degen kúdikpen halyqaralyq izdeý jarııalanǵan atalǵan qala turǵynyn ustady. Sotqa deıingi tergeý amaldary júrgizilip jatyr», - dedi ol.

Sonymen qatar, resmı ókil Qaraǵandy oblystyq ІІD krımınaldyq polıtsııasynyń qyzmetkerleri qala turǵyndarynyń birine qaraqshylyq shabýyl jasap, onyń 200 myń teńgeden astam aqshasyn tartyp alǵan kúdiktilerdiń biriniń ustalǵanyn aıtty. 

«Qylmysqa qatysy bar taǵy bir kúdiktini qolǵa túsirý sharalary qabyldanyp jatyr», - dedi Almas Sadýbaev.