Shymkentte grek-rım kúresinen Azııa chempıondaryna 1 mln teńgeden berildi

ShYMKENT. QazAqparat – Shymkentte grek-rım kúresinen Azııa chempıondary marapattaldy, dep habarlaıdy QazAqparat Sports.kz saıtyna silteme jasap.

Shymkent qalalyq dene shynyqtyrý jáne sport basqarmasynyń basshysy men qalalyq kúres federatsııasynyń prezıdenti grek-rım kúresinen Azııa chempıondary Meıirjan Shermahanbet (67 kelige deıin) men Álimhan Syzdyqovty (130 kelige deıin) marapattady.

Sportshylarǵa 1 mln teńgeniń sertıfıkattary tabys etildi. Palýandardyń jattyqtyrýshylary 300 myń teńge kóleminde syıaqy aldy.

Kúres túrlerinen Azııa chempıonaty Ulanbatyr qalasynda (Mońǵolııa) ótti. Buǵan deıin habarlanǵandaı, grek-rım kúresinen Qazaqstan quramasy medaldyq esepte birinshi oryndy ıelendi. Otandyq «klassıkter» enshisinde eki altyn, bes kúmis jáne eki qola medal bar.