Shymkentte grek-rım, erkin jáne áıelder kúresinen ótken el chempıonaty aıaqtaldy
ShYMKENT. QazAqparat - Shymkentte grek-rım, erkin jáne áıelder kúresinen ótken el chempıonaty aıaqtaldy. 600-ge tarta balýan qatysqan dodada ár túrli kúres boıynsha 8 salmaqta chempıondar anyqtaldy, - dep habarlaıdy QazAqparat HAA tilshisi.
Jeńil atletıka sport kesheninde ótken birinshilikte elimizdiń eń myqty balýandary baq synady. Ońtústik Qazaqstan oblysynan qatysqan sportshylar 3 altyn, 2 kúmis jáne 4 qola medalmen jarysty nátıjeli aıaqtady.
Tartysy báseke qorytyndysy boıynsha rek-rım kúresinen 59 keli salmaqta Aqtóbelik Meıirbek Aınaǵulov, 66 kelide Astanalyq Almat Kebisbaev, 70 kelide Jambyldyq Ábýnasyr Ómirzaq, 75 kelide Atyraýlyq Maqsat Erejepov, 80 kelide Danııal Gadjıev, 85 kelide Astanalyq Azamat Qystaýbaılar jeńiske jetti.
Óz kezeginde alań ıeleri sapynan grek-rım kúresinde 98 kelide Álimhan Syzdyqov, 130 kelide Damır Kúzenbaevtar myqtylyq tanytsa, qyzdar arasynda 58 keli boıynsha Gúlshaharat Talasovaǵa teń keler qarsylas bolmady. 
Áıelder kúresinen 48 kelide Astanalyq Juldyz Eshımova, 53 kelide Almatylyq Zýlfııa ıAhıarova, 55 kelide Almaty oblysynyń sportshysy Marına Sedıeva, 60 kelide Almaty oblysynan kelgen Aıaýlym Qasymova, 63 kelide Mańǵystaýlyq Olga Klınına, 69 jáne 75 kelide Almaty oblysynyń qos balýany Jamıla Baqbergenova men Gýlmaral Erkebaevalar basymdylyq tanytty.
Ata keteıik, álemdik deńgeıdegi tóreshiler el chempıonatynyń álemdik deńgeıdegi jarystardan esh kem bolmaǵandyǵyn atap ótti. 
