Shymkentte gazǵa ýlanyp, aýrýhanaǵa túsken búldirshinderdiń úsheýi úılerine qaıtaryldy
ShYMKENT. QazAqparat – Shymkenttegi jekemenshik balabaqshada gazǵa ýlanyp qalǵan bir búldirshin men olardyń tárbıeshisi aýrýhanaǵa jatqyzyldy. Bul týraly qalalyq gıperbarııalyq oksıgenatsııa ortalyǵy bas dárigeriniń emdeý isi jónindegi orynbasary Janar Jurynbaeva málim etti, dep habarlaıdy QazAqparat tilshisi.
Janar Jurynbaevanyń sózinshe, jedel járdemmen jetkizilgen naýqastar emdeý mekemesine ortasha aýyr dárejede túsken.
«Gıperbarııalyq oksıgenatsııa ortalyǵyna jetkizilgen barlyq naýqastarǵa medıtsınalyq kómek kórsetildi. Bir búldirshin men tárbıeshisin qarap, biz olardy aýrýhanaǵa jatqyzdyq. Úsh búldirshinniń jaǵdaıy qanaǵattanarlyq jaǵdaıda bolǵandyqtan olar úılerine qaıtaryldy»,- deıdi bas dárigerdiń emdeý isi jónindegi orynbasary.
Eske salaıyq, búgin tańerteń jekemenshik balabaqshaǵa barǵan 4 búldirshin men olardyń tárbıeshisi gaz ıisinen ýlanyp qalǵan bolatyn. Qalanyń tótenshe jaǵdaılar qyzmeti 2 jasar búldirshinderdiń gaz kolonkasynyń aqaýynan shyqqan tabıǵı gazǵa ýlanǵanyn habarlaǵan.