Shymkentte gazdan ýlanǵan jetkinshekter esin jınady
ShYMKENT. QazAqparat - Shymkenttiń Saıram turǵyn alabynda gazdan ýlanǵan eki jetkinshek esin jıdy. Bul týraly QazAqparat tilshisine oblystyq densaýlyq saqtaý basqarmasynyń baspasóz hatshysy Mıra Súleımenova aıtty.
Baspasóz hatshynyń sózine qaraǵanda, bir otbasynyń 5 jáne 9 jastaǵy ul-qyzy es-túzsiz №1 Shymkent qalalyq aýrýhanasyna túsken bolatyn. Jaǵdaılary óte aýyr bolǵan soń jansaqtaý bólimine jatqyzylǵan.
«Olarǵa ýlanýdyń aýyr dárejesi, bas mıynyń isýi, 3-shi dárejeli koma dıagnozy qoıylǵan. Emdeý mekemesine shuǵyl túrde oblystyq toksıkologııalyq ortalyǵynyń mamandary shaqyrylyp, naýqastar jasandy tynys alý apparatyna qosyldy. Dárigerler tarapynan barlyq jaǵdaı jasalýynyń arqasynda balalar esin jıyp, emdeý bólimshesine aýystyrylady»,- deıdi Mıra Súleımenova.
Esterińizge sala keteıik, bir úıdiń úsh balasy gazdyń ýlanyp qalǵan bolatyn. Nátıjesinde eki jasar búldirshin oqıǵa ornynda kóz jumyp, taǵy eki bala aýyr halde aýrýhanaǵa jetkizilgen bolatyn.
