Shymkentte gazdan ýlanǵan jasóspirim kóz jumdy

ShYMKENT. QazAqparat - Shymkentte gazdan ýlanǵan 16 jastaǵy jasóspirim kóz jumdy. Qaıǵyly jaǵdaı búgin túnde qaladaǵy móltekaýdandardyń birindegi kópqabatty úıde bolǵan, dep habarlaıdy QazAqparat tilshisi.

Oblystyq gaz taratýshy mekemeniń habarlaýynsha, búgin túngi saǵat 02:49-da kezekshi bólimge páterlerdiń birinen jasóspirimniń ıisten ýlanyp qalǵany jóninde habarlama kelip túsken.
Oqıǵa ornyna túngi saǵat 3:22-de jetken avarııalyq brıgada qyzmetkerleri páterdiń lodjııasynan 2003 jylǵy jasóspirimniń qaza tapqanyn anyqtaǵan.
Úıdi qaraý barysynda sý jylytqysh peshiniń qosýly turǵany jáne odan gazdiń ıisi shyǵyp turǵany belgili boldy. Mamandar sondaı-aq páterdiń lodjııasyna sý jylytý peshiniń talaptarǵa saı emes etip qoıylǵanyn tirkedi.
Qazirgi tańda qaıǵyly jaǵdaıdyń sebep saldary anyqtalyp jatyr.