Shymkentte gazdan bes adam ýlanyp, bireýi qaıtys boldy
Tańǵy saǵat 7-ler shamasynda qaladaǵy gaz taratýshy mekemege turǵyndardyń jappaı ıisten ýlanǵany jóninde shuǵyl aqparat túsken. Kezekshi dáriger 4 adamnyń toksıkologııalyq aýrýhanaǵa túskenin habarlaǵan. Oqıǵa ornyna jetken apattyq qutqarý qyzmeti jekemenshik úıdiń gaz qubyrlarynan birneshe aqaýdy anyqtady. Belgili bolǵandaı, bir otbasynyń 4 múshesi túnde ekinshi qabatta jatqan. Al, baqılyq bolǵan áıel peshtiń túbinde túnegen.
«Gazdan ýlanǵan 4 adam qazir aýrýhanada jatyr. Olardyń qatarynda 1958 jyly týǵan erkek, 1976 jyly týǵan áıel, 2001 jyly týǵan ul bala jáne 2007 jyly týǵan qyz bar. Iisten ýlanyp kóz jumǵan 47 jastaǵy áıel Ózbekstan Respýblıkasynyń azamaty bolyp shyqty. Tekserý kezinde marqumnyń as úıde qonǵany anyqtaldy. Qaıǵyly jaǵdaıdyń sebep-saldary jan-jaqty tekserilip jatyr» delingen gaz taratýshy mekemeniń habarlamasynda.