Shymkentte gaz qubyry jarylyp, alapat órt shyqty

ShYMKENT. QazAqparat - Búgin saǵat 16:34-te Shymkent qalasyndaǵy Táýke han dańǵylynda dıametri 150 mm bolatyn jer astyndaǵy joǵary qysymdy gaz qubyry belgisiz sebeppen jarylyp, saldarynan qubyr janyp ketti. Jalynnyń bıiktigi 15 metrge deıin jetti, dep habarlaıdy QazAqparat TJK resmı ókili Rýslan Imanqulovqa silteme jasap.

«Sol mańdaǵy aýmaǵy 0,25 gektar boaltyn qurǵaq shóp pen elektr kabelderi órtendi. Órt 17:11-de aýyzdyqtalyp, 17:39-da sóndirildi. Zardap shekkender men qurban bolǵandar joq. Oqıǵanyń sebebi anyqtalý ústinde. Atalǵan tótenshe jaǵdaı qala tirshiligine áser etken joq», - dep atap ótti Rýslan Imanqulov.

Oqıǵa ornynda oblystyq tótenshe jaǵdaılar departamentiniń 30 qyzmetkeri men 6 tehnıka jumyldyryldy. Odan bólek, «IntergazOrtalyq Azııa» AQ 5 qyzmetkeri men 3 tehnıkasy kómekke keldi.