Shymkentte gaz ballony jarylyp, 2 adam jaraqat aldy
7 qańtar tańǵy 06:20 kezinde kezekshi dıspetcher qyzmetine Eńbekshi aýdanynyń Juldyz shaǵynaýdanynda Novostroıka kóshesindegi jeke turǵyn úıde syıymdylyǵy 50 lıtrlik gaz ballony jarylǵany týraly habarlama kelip tústi.
Jarylys 30 sharshy metr aýmaqty sharpyp, qabyrǵanyń qulaýyna ákelip soqty. Úıdiń jalpy aýdany – 144 sharshy metr. Oqıǵanyń aldyn ala sebebi - qaýipsizdik erejelerin saqtamaý.
6 qańtar keshkisin úı ıesi qaýipsizdik tehnıkasyn buzyp, ballondy gazben toltyrǵan (50 lıtrlik gaz ballony tolyǵymen toltyryldy), sosyn ony úıdiń ishine kirgizgen.
Túnde gazdyń ıisin sezip, úı ıesi tekserýge turǵan, abaısyzda elektr jaryǵy qosylǵan (aldyn ala nusqa). Osy sebepti gaz aýa tarsyly, sodan keıin jarylys bolǵan.
Jarylystan1985 jyly týǵan áıel zardap shekti. Onyń eki qolyn, aıaqtary jáne betiniń 23% kúıik shalǵan.
2006 jyly týǵan úı ıesiniń qyzy keýde qýysynyń jaraqaty dıagnozymen, ortasha aýyr jaǵdaıda aýrýhanaǵa jatqyzyldy.
Oqıǵa ornynda TJD 13 qyzmetkeri men 3 tehnıkasy, apattar medıtsınasy ortalyǵy fılıalynyń 3 qyzmetkeri jumys istedi.
