Shymkentte gandboldan el chempıonaty ótýde
ShYMKENT. QazAqparat - Shymkentte erler men áıelder arasynda qol dobynan el chempıonaty ótýde. Joǵary sport sheberligi mektebi kesheninde ótip jatqan saıysqa elimizdiń sýperlıganyń 10 qurama komandasy qatysýda, dep habarlaıdy QazAqparat tilshisi.
Baıraqty básekede áıelder arasynda eń myqty degen 6, erler arasynda 4 komanda júldeli orynǵa talasýda. Onyń ishinde ońtústiktiktiń «Qazyǵurt» komandasy sýperlıganyń eń jas komandasy sanalady. Soǵan qaramastan shymkenttik qyzdar «Altaı» komandasymen kezdesip, 22-17 esebimen jeńiske jetti.
Aıta keteıik, kezinde olımpıada oıyndaryna qatysyp, el namysyn qorǵaǵan «Qazyǵurt» komandasy osy synda 5-shi kezeńge ótetin bolsa, el chempıonatynyń úsh dúrkin chempıony atanady.
Gandboldan el chempıonaty naýryzdyń 15-ine óz máresine jetedi dep josparlanǵan. Bul jarystan keıin qol doptan sheberleri joǵarǵy lıga komandalary arasynda ózara úzdikterdi anyqtaıtyn bolady.
