Shymkentte fýtboldan jasóspirimder arasynda halyqaralyq týrnır bastaldy
ShYMKENT. QazAqparat - Shymkentte fýtboldan jasóspirimder arasynda halyqaralyq týrnır bastaldy. «Lokomatıv» stadıonynda ótip jatqan jarysqa 10 jasqa deıingi 100-ge jýyq aıaqdopshy qatysty, dep habarlaıdy QazAqparat tilshisi.
Jyl saıyn dástúrli túrde ótip kele jatqan týrnırge kórshiles Ózbekstannyń «Pahtakor» fýtbol akademııasynan 2 komanda qatysyp otyr. Sonymen qatar, Astana, Aqtóbe, Taldyqorǵan, Qyzylorda, Taraz qalalarynan 2 komandadan keldi. Oıynda jalpy sany 15 komanda óner kórsetýde. Olar apta boıy myqtylyqtaryn kórsetetin bolady. Halyqaralyq týrnırdiń júlde qory da qomaqty. Uıymdastyrýshylar úzdik shabýylshydan bastap, ádil tóreshige deıin arnaıy nomınatsııalar belgilep otyr.
«Qazirgi zamanǵa saı balalardyń jarysqa qatysý deńgeıin jasarttyq. 2006-2007 jylǵy balalar keldi. Jarys úsh stadıonda bolyp jatyr. Eki stadıon Saıram aýdanynda. Biz únemi eldimekenderdegi fýtboldyń, buqaralyq sporttyń damýyna jankúıerler kelip, qyzyǵýshylyq tanytyp, atsalyssa degen oımen jarystyń bir bóligin aýdandarda ótkizip turamyz», - dedi OQO-nyń fýtboldan olımpıada rezervin daıyndaıtyn balalar men jasóspirimderdiń mamandandyrylǵan sport mektebiniń dırektory Ermek Dármenov.
