Shymkentte fýtbol jankúıerleriniń arasynda janjal týyndady

ShYMKENT. QazAqparat- Shymkentte fýtbol jankúıerleriniń arasynda janjal týyndady, dep habarlaıdy QazAqparat tilshisi.

Áleýmettik jelide Ordabasy men Legııa komandalarynyń jankúıerleri arasynda bolǵan janjaldyń vıdeosy tarap jatyr. Onda qos komandanyń qoldaýshylary arasynda týyndaǵan túsinispeýshiliktiń sońy tóbeleske ulasa jazdaǵanyn kórýge bolady. Al, tártip saqshylary der kezinde áreket etip, qoǵamdyq tynyshtyqty qamtamasyz etti.

«Oıyn bastalar aldynda saǵat 20:30 shamasynda komandalardyń jankúıerleri arasynda aýyzsha ereges boldy. Qoǵamdyq tártipti qamtamasyz etken polıtseıler der kezinde áreket etti. Nátıjesinde, tóbeles bolǵan joq. Buzaqylyq áreketterge jol berilmedi» delingen polisia.kz saıtynda jarııalanǵan aqparatta.