Shymkentte fýtbol jankúıerleri janjaldasyp qaldy

ShYMKENT. QazAqparat – ​Shymkentte «Aqtóbe» men «Ordabasy» fýtbol komandalarynyń jankúıerleri arasynda janjal týyndaǵan. Olardy polıtsııa qyzmetkerleri toqtatty, dep habarlaıdy QazAqparat POLISIA.KZ telegram kanalyna silteme jasap.

«29 qazan kúni saǵat 17:30-da 102 arnasyna Shymkent qalasynyń turǵynynan habarlama tústi. Ol Táýke han dańǵyly men A. Baıtursynov kóshesiniń qıylysynda jas azamattardyń jınalǵany týraly aıtty.

​Belgili bolǵanyndaı, Aqtóbe qalasynyń 50 shaqty turǵyny («Aqtóbe» fýtbol komandasynyń jankúıerleri) A. Baıtursynov kóshesiniń boıynda Shymkent qalasynyń 10 turǵynyn («Ordabasy» fýtbol komandasynyń jankúıerleri) jolyqtyryp, aralarynda janjal týyndaǵan. Olardy polıtsııa qyzmetkerleri toqtatty.

Atalǵan tulǵalardyń barlyǵy Shymkent qalasy PD ál-Farabı aýdandyq polıtsııa basqarmasyna jetkizildi. Jaýap alý barysynda azamattar tóbeles jaıtyn joqqa shyǵaryp, bir-birine qatysty shaǵymdary da joq ekenin aıtty.

​Barlyq jetkizilgen tulǵalarmen profılaktıkalyq áńgime júrgizildi», - dedi polıtsııadan.

Aıta ketsek, keshe fýtboldan Premer-lıga komandalary arasyndaǵy el birinshiliginiń 25-týry aıasynda Shymkentte jergilikti «Ordabasy» men «Aqtóbe» kezdesti. Oıyn nátıjesinde komandalar teń tústi .

Foto: t.me/POLICE_of_KZ