Shymkentte fastfýd daıyndaıtyn dúńgirshek órtendi

ShYMKENT. QazAqparat - Shymkentte jyldam tamaq daıyndaıtyn dúńgirshekten órt shyǵyp, mańyndaǵy nysandarǵa qaýip týǵyzǵan, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, búgin kúndizgi saǵat 11:30 shamasynda Rysqulov kóshesi boıyndaǵy dúńgirshikten órt shyqqany týraly habarlama túsken.

«Temir dúńgirshektiń ishinde popkorn, grıl daıyndaıtyn apparat janǵan. Órtti sóndirýge jeke quramnyń 27 adamy men 5 tehnıka jumyldyryldy. Jalyn saǵat 11:54-te tolyq sóndirildi. 50 lıtrlik gaz jáne ottegi ballony qaýipsiz jerge shyǵaryldy. Zardap shekkender men qaıtys bolǵandar joq. Órttiń shyǵý sebepteri anyqtalýda. Órttiń kólemi 6 sharshy metrdi qurady» delingen habarlamada.