Shymkentte farmatsevtıkalyq kompanııalarǵa sanıtarlyq talaptardy saqtaý kerektigi eskertildi

ShYMKENT. QazAqparat – QR Prezıdenti Qasym-Jomart Toqaev óz Joldaýynda bıznes ókilderiniń sanıtarlyq-epıdemıologııalyq saladaǵy normalar men erejelerdi saqtaýy men tıisti zańdylyqtardy saqtaýy qatań baqylaýǵa alyný kerektigin bas aıtqan bolatyn. Osy rette Shymkentte farmatsevtıkalyq qyzmet pen sanıtarlyq-epıdemıologııalyq talaptardyń saqtalýy taqyrybynda semınar ótti, dep habarlaıdy QazAqparat tilshisi.

Shymkent qalasy Taýarlar men qyzmetterdiń sapasy men qaýipsizdigin baqylaý departamentinde ótken basqosýda farmatsevtıkalyq kompanııalardyń qyzmetin lıtsenzııalaý, dárilik zattar men medıtsınalyq buıymdardyń aınalymy salasyndaǵy obektilerge qoıylatyn sanıtarııalyq talaptar jáne tıisti farmatsevtıkalyq praktıka máseleleri sóz boldy. Semınarǵa Departament basshynyń orynbasary men farmatsevtıkalyq qyzmetti baqylaý bóliminiń mamandary, «DAMÝ» Ońtústik Qazaqstan oblysynyń farmatsevtıkalyq jáne medıtsınalyq uıymdar qaýymdastyǵynyń basshysy men QR Eńbek jáne halyqty áleýmettik qorǵaý mınıstrliginiń Eńbekti qorǵaý jónindegi respýblıkalyq ǵylymı-zertteý ınstıtýtynyń Shymkent qalasy boıynsha ókili, qalalyq farmatsevtıkalyq jáne medıtsınalyq uıymdarynyń ókilderi qatysty. Kún tártibinde dárilik zattar men medıtsınalyq buıymdar aınalymy salasyndaǵy obektilerde ortalyqtandyrylǵan sýmen jabdyqtaýǵa, kárizge, jeldetýge jáne úı-jaılaryn jaryqtandyrýǵa qoıylatyn sanıtarııalyq-epıdemıologııalyq talaptar týraly máseleler qozǵaldy.

Sonymen qatar, dárilik zattardy daıyndaıtyn obektiler epıdemııalyq mańyzdylyǵy joǵary obektilerge jatatyndyqtan, epıdemııalyq mańyzdylyǵy joǵary obektiniń halyqtyń sanıtarııalyq-epıdemıologııalyq salaýattylyǵy salasyndaǵy normatıvtik quqyqtyq aktilerge jáne gıgıenalyq normatıvterge sáıkestigi (sáıkes emestigi) týraly qorytyndy alýy tıistigi aıtyldy.

Epıdemııalyq mańyzy joǵary obektilerdi sanıtarııalyq-epıdemıologııalyq qorytyndysyz paıdalanýǵa tyıym salynatyndyǵyn eskertti. Dárilerdi saqtaý kezinde úı-jaıyn (aımaǵyn) jándikterdiń, kemirgishterdiń nemese basqa da janýarlardyń enýinen qorǵaýdy qamtamasyz etetindeı jobalaý jáne jabdyqtaý qajettigi týraly aıtyldy. Dezınfektsııa, dezınsektsııa jáne deratızatsııa júrgizý úshin QR jáne Eýrazııalyq ekonomıkalyq odaq aýmaǵynda qoldanýǵa ruqsat etilgen quraldar ǵana qoldanylatyndyǵy málim etildi. Sondaı-aq farmatsevtıkalyq kompanııalardyń barlyq ókilderin GPP standarttaryna kóshý boıynsha belsendi jumys júrgizý kerektigi qamtyldy.