Shymkentte farmatsevtıkalyq baqylaý departamentiniń basshysyna sógis jarııalandy
1 tamyzda Sybaılas jemqorlyqqa qarsy qyzmettiń usynysy boıynsha QR Medıtsınalyq jáne farmatsevtıkalyq baqylaý komıteti tóraǵasynyń buıryǵymen óz laýazymdyq mindetterin tıisinshe oryndamaǵany úshin atalǵan komıtettiń Shymkent qalasy boıynsha departamenti basshysynyń orynbasary Dýlat Turmanov jumystan bosatyldy.
3 tamyzda komıtettiń Shymkent qalasy boıynsha departamentiniń basshysy Seıitjamal Pakeev vedomstvolyq baqylaýdyń joqtyǵy úshin «sógis» túrinde tártiptik jaýapkershilikke tartyldy.
Esterińizge sala keteıik, aǵymdaǵy jyldyń 14 shildesinde sot úkimimen basshynyń orynbasary Turmanov birqatar tulǵalardan klınıkalyq praktıkaǵa jiberýge maman sertıfıkatyn bergeni úshin jalpy somasy 60 myń teńge bolatyn júıeli paraqorlyqqa kináli dep tanyldy. Oǵan 20 mıllıon teńge kóleminde aıyppul taǵaıyndalyp, belgili bir laýazymdy atqarý quqyǵynan ómir boıyna aıyryldy.
Foto: moneysense.ca