Shymkentte erteń kóktaıǵaq bolyp, qatty jel soǵady - TJD
«Batystan soǵatyn jeldiń jyldamdyǵy sekýndyna 15-20 metrge deıin kúsheıýi yqtımal. Jel kúsheıgen kezde ǵımarattardan syrtqa shyǵýǵa shekteý qoıyp, ishte bolý kerek. Balalardy erekshe baqylaýǵa alyp, qaraýsyz qaldyrmaý óte mańyzdy» delingen eskertý habarlamasynda.
Aıta keteıik, qalada eki kúnnen beri qatty jel soǵyp tur. Daýyldyń saldarynan jaryq sónip, keı jerlerde shatyrlardy ushyryp ketken bolatyn.
Qazir qalalyq ákimdik pen TJD qyzmetkerleri, kommýnaldyq qyzmet ókilderi oryn alǵan tótenshe jaǵdaıdy qalpyna keltirý jumystaryn júrgizýde. Al, meteorologtar aýa raıynyń qolaısyz bolýynan búgin de joldardyń jabylyp qalǵanyn habarlaýda.
«21 jeltoqsanda saǵat 14:30-dan bastap respýblıkalyq mańyzy bar «Almaty-Shymkent» (593-632 km, Túlkibas aýdany) tas jolynda meteorologııalyq jaǵdaıdyń nasharlaýyna baılanysty (kórinýi 0 m., burqasyn jel, kóktaıǵaq, boran) barlyq avtomobılderge jol jabyldy. Uzaq saparǵa shyǵar aldynda «112» nemese 33-74-84 telefon arqyly shuǵyl kezekshilerden jaǵdaıdy bilip alyńyzdar!» delingen habarlamada.