Shymkentte erlik kórsetken polıtseıge páter kilti tabys etildi

ShYMKENT. QazAqparat - Shymkentte ishki ister organdarynyń 25 jyldyǵyna arnalǵan saltanatty shara ótti. Onda qala ákimi Ǵabıdolla Ábdirahymov el qorǵandaryn tól merekesimen quttyqtap, birqatar polıtsııa qyzmetkerleri marapatqa ıe boldy, dep habarlaıdy QazAqparat HAA tilshisi.

Bul kúni óziniń qyzmettik mindetin atqarý kezinde opat bolǵan polıtseılerdiń árqaısysynyń esimi eske alyndy. Marqumdardyń týystaryna syılyqtar tapsyryldy. Al, 2009 jyly beıbit turǵyndy qaskóıdiń oǵynan aman alyp qalǵan polıtseı Turar Artyqbaevqa páter kilti tabys etildi. Ol keýdesin oqqa tosyp, qyzmet jolynda naǵyz batyrǵa tán qadam jasaǵan bolatyn. Jınalǵandar aldynda sóz sóılegen Shymkent qalalyq ishki ister basqarmasynyń bastyǵy, polıtsııa polkovnıgi Arman Beısenbaev quqyq jáne zańdy qorǵaýdaǵy ár polıtsııa qyzmetkeriniń eńbegin atap ótti. Jyl basynan beri tirkelgen quqyq buzýshylyq sanynyń tómendegenin aıtty. Osy tusta qalada bolyp jatqan qylmystyń ashylýy arta túskenin jetkizdi. Shahardaǵy polıtseılerge kórsetken qoldaýy úshin Shymkent ákimdigine alǵys aıtty. Máselen,  2014 jyly qala aýmaǵynda polıtsııanyń bar bolǵany 29 ýchaskelik pýnkti bolsa, qazir olardyń sany - 68. ıAǵnı, jańa 39 ýchaskelik pýnkt bıýdjet qarjysyna salynǵan. Sol sııaqty,  2015 jyly jol polıtseıleriniń qyzmetinde bar bolǵany 5 evakýator bolsa, 2016 jyly memlekettik bıýdjetten taǵy 5 evakýator men 30 Kıa Serato kóligin satyp alýǵa qarjy bólindi. Bıýdjetten bólingen qarjyǵa taǵy 237 beınekamera ornatyldy. 2014 jyly qalanyń eń iri kóshe qıylystarynda 11 ıntellektýaldy beıne-baqylaý kamerasy ornatyldy. 2016 jyly 10 qıylysqa osynda 115 qondyrǵy ornatylǵan. Sonyń nátıjesinde 2017 jyldyń 5 aıynda jol-kólik oqıǵasynyń sany 50,4%-ǵa kemidi. Jol apatynda qaza tapqandar sany azaıyp, jaraqat alǵandar sany 46 paıyzǵa azaıdy.