Shymkentte erikti túrde áskerı qyzmetke kelýshilerdiń qatary artýda

ShYMKENT. QazAqparat – Shymkentte erikti túrde áskerı qyzmetke kelýshilerdiń qatary artýda. Bul týraly qalalyq qorǵanys ister jónindegi departamenti bastyǵynyń orynbasary Rınat Madııarov málimdedi, dep habarlaıdy QazAqparat tilshisi.

Departament bastyǵy orynbasarynyń aıtýynsha, qazirgi tańda qalada barlyq áskerı qurylym tótenshe jaǵdaımen kúresýge jumyldyrylǵan. Dese de áskerı qyzmetke 100 azamatty qabyldaý josparlanǵan. Bul azamattar zalalsyzdandyrý jumystary men blokposttarda patrýl qyzmetin atqaratyn bolady.

«Qyzmetke tartylatyn jastardyń sany 100-ge jýyqtaıdy. Qazirgi tańda olardy anyqtap jatyrmyz. 35 jasqa deıingi belsendi azamattardy tirkeýge alamyz. Degenmen áskerı qyzmet etkisi keletinderdiń qatary tolastamaı otyr», - deıdi Rınat Madııarov.

Áskerı talap boıynsha eriktilerdiń densaýlyǵyn áskerı medıtsınalyq komıssııa tekseredi. Olar tótenshe jaǵdaı ýaqyty bitkenshe ásker qatarynda bolady dep josparlanyp otyr.