Shymkentte erikti saqshylar jasaǵy quryldy

ShYMKENT. QazAqparat - Megapolıste turǵyndar, belsendiler, tanymal sportshylar men sport mektepteriniń ustazdary, din ókilderi jáne ózge de sala mamandarynan quralǵan «Halyq saqshylary» dep atalatyn jasaq quryldy – dep habarlaıdy QazAqparat tilshisi.

500-ge jýyq erikti azamat qaladaǵy qoǵam qaýipsizdigin qamtamasyz etýge óz úlesterin qosyp jatyr. Olar tártip saqshylaryna qoldaý kórsetip, memlekettik mańyzy bar nysandardy, kásiporyndardy kúzetýge kómektesýde. Azamattar eldi lańkesterden qorǵaý úshin turǵyndardy birlikke úndep, kúsh biriktirýge shaqyrdy. «Elimizdiń tutastyǵyna qarsy baǵyttalǵan buzaqylyq áreketterdi aıyptaı kele, qala turǵyndarynyń ómiri men múlkine qaýip-zııan tıgizetin, qoǵamdyq tártipti buzatyn lańkestikti aıyptaı otyryp, erikti túrde, qoǵamdyq tártipti saqtaýǵa belsene qatysýǵa daıynbyz»,-dedi, qala ákimdigine kelgen bastamashylar. Eriktiler toptarǵa bólinip, túngi ýaqytta kezekshilikte turýǵa kirisip ketti.

Sondaı-aq, olar elimizde júrgizilip jatqan antı-terrorlyq operatsııalardy qoldaıtyndaryn jetkizdi.