Shymkentte er adam aýrýhana aldynda óz-ózin órtemek boldy

ShYMKENT. QazAqparat – Shymkentte 32 jastaǵy er adam óz-ózin órtep jibermek boldy, dep habarlaıdy QazAqparat tilshisi.

Polisia.kz saıtynyń málimetinshe, 8 maýsym kúni Eńbekshi aýdandyq polıtsııa basqarmasyna sýıtsıd jasamaq bolǵan adam týraly habarlama túsken. Jibek joly kóshesinde ornalasqan «Oblystyq týberkýlezge qarsy dıspanser» ǵımaratynyń aldynda er adam óz-ózine benzın quıyp, órtep jibermek bolǵan.

Oqıǵa ornyna kelgen ýchaskelik polıtsııa ınspektorlary men patrýldik polıtsııa polkiniń qyzmetkerleri sýıtsıd jasamaq bolǵan azamatty toqtatqan.

«Polıtseıler áńgimege tartý arqyly 32 jastaǵy adamnyń ómirin saqtap qaldy. Atalǵan fakti boıynsha QR QK-niń 105-baby 1-bóligimen (»ózine-ózi qol jumsaýǵa deıin jetkizý«) sotqa deıingi tergeý amaldary júrgizilýde», - delingen habarlamada.

Er adam mundaı qadamǵa otbasylyq jaǵdaıyna baılanysty barǵanyn aıtty. Ol polıtseılerge alyǵysyn bildirdi.