Shymkentte epıdjaǵdaı turaqtala bastady
Shymkent qalasynda 31 qańtar kúni 40 adamnan koronavırýs anyqtaldy. 13 adam ınfektsııalyq statsıonarǵa jatqyzylyp, 27 adam úı baqylaýyna alyndy.
Qazirgi tańǵa mamandandyrylǵan ınfektsııalyq statsıonarlarda barlyǵy 883 oryn bar, tósek oryn tolymdyǵy 34%-dy quraıdy, 582 tósek oryn bos. Infektsııalyq statsıonarda 301 naýqas emdelýde, jansaqtaý bóliminde – 135 tósek oryn bar, 40 naýqas em qabyldaýda.
Bir táýlik ishinde qalada 332 adam vaktsına aldy. (I komponent- 152, II komponent- 180). Egý naýqany bastalǵaly barlyǵy 595 473 adam vaktsınatsııalandy. Onyń ishinde 582 143 adam vaktsınanyń eki komponentin aldy.
Pfizer vaktsınasynyń I komponentin 39 300 adam, II komponentin 15 328 adam qabyldady. 91 145 adam revaktsınatsııalandy.
«Jaǵdaı jaqsara bastaǵanymen, bosańsýǵa bolmaıdy» - deıdi dárigerler.
Sondyqtan, santıtarlyq talaptar qatań saqtalýy qajet.
Shymkent qalasynyń Bas memlekettik sanıtarııalyq dárigeriniń Shymkent qalasynyń aýmaǵynda koronavırýs ınfektsııasynyń taralýynyń aldyn alý boıynsha shekteý sharalaryn jáne karantın rejımin uzartý týraly №5 qaýlysyna sáıkes «Ashyq» jobasyna qatyspaıtyn nysandardyń jumys tártibine birshama shekteýler bar. Máselen, teatrlar, kontsert zaldary, fılarmonııalar, kınoteatrlar, bılıard, lotoreıa klýbtar, tsırkter, túngi klýbtar, oıyn klýbtar, karaoke zaldaryna tyıym salynady. Al, «Ashyq» jobasyna qatysatyn bolsa, belgili bir tártippen jumys isteýge ruqsat beriledi.
65 jastan asqan adamdardyń qalada júrýine shekteý qoıylǵan jáne halyqqa qyzmet kórsetý úshin kózdelmegen úı-jaılarda jalǵyz bolǵan qyzmetkerlerdi qospaǵanda, betperdeni paıdalaný talaptary qatań saqtalýy kerek.
