Shymkentte epıdemıologııalyq jaǵdaı turaqtalyp keledi
Qala ákimdiginiń málimetinshe, qaýipti indetten 2 770 adam jazylyp shyqqan. ıAǵnı, naýqastardyń 62 paıyzy emdelgen. Qazirgi tańda epıdemıologııalyq jaǵdaıdy turaqtandyrý maqsatynda ınfektsııalyq jáne provızorlyq statsıonarlarda qysqa merzimde qosymsha 3050 tósek orny uıymdastyrylyp, oryn sany 3 860-qa jetkizilgen. Onyń ishinde 650 ınfektsııalyq, 3 210 provızorlyq tósek oryn sanalady. Al, reanımatsııalyq 30 tósek-oryn sany 151-ge deıin kóbeıtilgen. Budan bólek, qaladaǵy aýrýhanalarǵa qosymsha 58 IVL apparaty men 250 «Bobrov» tynys alý apparaty jáne 26 reanımatsııalyq monıtor alynǵan. Reanımatsııalyq orynnyń 88,7 paıyzy nemese 134 ÓJJ apparattarymen qamtylǵan. Ottegimen qamtylǵan oryn sany 861-ge nemese jalpy orynnyń 22,3 paıyzyna jetkizilgen. Sondaı-aq, tumaý men ókpe qabyný belgilerimen jedel járdem shaqyrýshylar sany 26,6 paıyzǵa azaıyp otyr. Statsıonarlarda em alýshylar sany 31,5 paıyzǵa tómendep, statsıonarlardaǵy tósek orynnyń júktemesi 90,3 paıyzdan 47,5 paıyzǵa deıin kemigen.