11:45, 29 Naýryz 2018 | GMT +5
Shymkentte Eńbekshi aýdanynyń prokýrory tutqyndaldy
ASTANA. QazAqparat - QR Bas prokýratýrasy Shymkentte sybaılas jemqorlyqpen ustalǵan prokýratýra qyzmetkerine qatysty túsinikteme berdi, dep habarlaıdy QazAqparat.

«28 naýryzda Ońtústik Qazaqstan oblystyq prokýratýrasynyń Іshki qaýipsizdik toby oblystyq Sybaılas jemqorlyqqa qarsy qyzmetimen birlesip, Shymkent qalasy Eńbekshi aýdany prokýratýrasynyń qyzmetkeri Ý.-dy osyǵan deıin alynǵan paranyń bóligin qaıtarý kezinde ustady», - delingen QR Bas prokýratýrasynyń Feısbýktegi paraqshasynda.
Aqshalaı qarajat azamat K.-ny qylmystyq jaýapkershilikten bosatý máselesin sheshý úshin alynǵan.
«Іs boıynsha tıisti tergeý áreketteri júrgizilýde. Qosymsha aqparat tergeý múddesine oraı jarııalanbaıdy», - delingen habarlamada.
Foto: telanganatoday.com