Shymkentte eńbek qaýipsizdigine qatysty shaǵymdar biryńǵaı ortalyq arqyly qabyldanady

ShYMKENT. QazAqparat - Shymkentte eńbek qaýipsizdigine qatysty shaǵymdar biryńǵaı baılanys ortalyǵy arqyly qabyldanady, dep habarlaıdy QazAqparat tilshisi.

Turǵyndar óndiristerdegi eńbek qaýipsizdigi, óndiristerde bolǵan jazataıym oqıǵalar, jumys oryndarynyń qysqarýy, kásiporyndardaǵy eńbekaqy qaryzdary, jumys berýshilerdiń jumyskerlerdi eńbek shartynsyz jumysqa tartýy, 16 jasqa tolmaǵan balalardy zańsyz jumysqa tartý jáne taǵy basqa da máseleler boıynsha habarmalar men shaǵymdardy Shymkent qalasy ákimdiginiń @ikomek109.shymkent biryńǵaı baılanys ortalyǵy arqyly jibere alady.
Sondaı-aq aryzdardy resmı jáne anonımdi túrde de baılanys ortalyǵynyń áleýmettik jelileri arqyly joldaýǵa múmkindik bar.
Jalpy statıstıkaǵa súıener bolsaq, Shymkentte jumyskerler arasynda jazataıym oqıǵalar azaıǵan.
«Jumyskerler arasynda jazataıym oqıǵalar 2020 jylǵa qaraǵanda 37,2% tómendedi. 80 kásiporyndaǵy 3 085 jumyskerlerdiń 384 mln.teńge kólemindegi jalaqy qaryzdary óteldi. 1 640 ujymdyq shart monıtorıngten ótkizildi, iri jáne orta kásiporyndarda 2993 kásiporyndar elektrondyq eńbek sharttaryn engizý josparlanyp, ol 31,3% asyra oryndaldy» - deıdi B.Quljanov.
Sondaı-aq, qala aýmaǵynda vedomstvoaralyq sıpatta is-áreket etýshi Áleýmettik áriptestik pen áleýmettik jáne eńbek qatynastaryn retteý jónindegi qurylǵan úsh jaqty komıssııa jumystary kúsheıtilmek.