Shymkentte eń kóp kitap oqyǵan jetkinshekter marapattaldy

ShYMKENT. QazAqparat – Shymkentte «Kitap oqyp, rýhanı baı bol» atty kitap oqý baıqaýynyń jeńimpazdary marapattaldy. Qalalyq ishki saıasat jáne din isteri basqarmasynyń «Rýhanı jańǵyrý» bólimi men «Otyrar» ǵylymı-ámbebap kitaphanasy uıymdastyrǵan saıys 15 qazanda bastalyp, eki kezeń boıynsha ótkizilgen bolatyn, dep habarlaıdy QazAqparat tilshisi.

Elbasy Nursultan Nazarbaevtyń «Rýhanı jańǵyrý» baǵdarlamasyn júzege asyrý men jas órenderdiń kitapqa degen qyzyǵýshylyǵyn arttyrý maqsatynda uıymdastyrylǵan baıqaýǵa qaladaǵy mektepterdiń oqýshylary qatysty. Kitap oqý mádenıetin arttyrý men oqyrmandardyń shyǵarmashylyq múmkindikterin damytý, qoldaý kórsetý jáne úzdik kórkem shyǵarmalardy keńinen nasıhattaýdy maqsat etken sharada qaladaǵy kitapsúıer qaýym belsendilik tanytty.

Saıystyń alǵashqy kezeńi boıynsha úmitkerler óziniń súıikti shyǵarmasyn mánerlep oqyp, beınejazbaǵa túsirdi. Olardy áleýmettik jelilerde jarııalaǵan bolatyn.

Ekinshi kezeńde kóp pikir jınaǵan qatysýshylar Ábish Kekilbaevtyń «Ańyzdyń aqyry» shyǵarmasy men Ábilda Tájibaevtyń lırıkasyn talqylady. Baıqaý qorytyndysy boıynsha kósh ilgeri ozyp shyqqan qatysýshylar jeńimpaz atanyp, júldeli oryndarǵa ıe boldy.

І oryndy Ulyqbek atyndaǵy №3 mekteptiń oqýshysy Aıjan Sultanbolatqyzy jeńip alsa, ІІ oryn T. Tájibaev atyndaǵy №47 mektep-gımnazııasynyń oqýshysy Arsen Abdýllanyń enshisinde ketti. Júldeli ІІІ oryn da №47 mektep-gımnazııasynyń oqýshysy Ádilet Ómenovke buıyrdy.

Baıqaýǵa qatysýshylardyń yntasyn joǵary baǵalaǵan uıymdastyrýshylar «Úzdik oqyrman» nomınatsııasyn birden 5 oqýshyǵa tabystady.

Al, «Shymkent shaıyrlarynyń oıly oqyrmany» nomınatsııasyna Y.Altynsarın atyndaǵy №65 mektep-lıtseıiniń oqýshysy Aıat Ǵalymuly laıyq dep tanyldy. Jeńimpazdar men nomınanttarǵa arnaıy syılyqtar tabys etildi.