Shymkentte em alýshylar sany eki esege tómendedi
«Búgingi kúnge Shymkent qalasynda COVID-19 vırýsyn juqtyrǵan azamattardyń sany 4 708 qurady. Ótken táýlikte 54 vırýs juqtyrǵan adam tirkeldi. Osy aıdyn basymen salystyrǵanda eki ese tómendeý baıqalady. Maýsym aıynyń alǵashqy bes kúninde 84-100 vırýs juqtyrǵandar nemese ósimi 2,5-3 paıyz qurady. Osy kezeńde 2 938 azamat emdelip shyqty. Ókinishke qaraı, 31 azamat qaıtys boldy», - dedi Murat Áıtenov Úkimet otyrysynda.
Onyń aıtýynsha, ınfektsııalyq jáne provızorlyq statsıonarlarda der kezinde qosymsha 3 050 tósek orny uıymdastyrylyp, oryn sany 3 860-qa jetkizilgen. Onyń ishinde reanımatsııalyq tósek ornynyń sany 30 orynnan 151 orynǵa deıin ulǵaıtylǵan. Qosymsha 58 tynys alý apparaty, 250 «Bobrov» tynys alý apparattary jáne 26 reanımatsııalyq monıtorlar alynǵan.
«Atqarylǵan jumystar qalada epıdemıologııalyq jaǵdaıdyń jaqsarýyna óz áserin tıgizdi. Atap aıtqanda jedel járdem kómegin shaqyrtýlar sany kúnine 2 320-dan 1321 deıin, ıaǵnı 43 paıyzǵa azaıdy. Statsıonarlarda em alýshylardyń sany aǵymdaǵy jylǵy shilde aıynyń birinshi onkúndiginde 2 882 adamǵa ósken bolsa, búgingi kúnde 1240 adamǵa deıin, ıaǵnı 56,9 paıyzǵa tómendedi. Statsıonarlardaǵy tósek orynnyń júktemesi osy aıdyn basynda 78,7 paıyzdy qurasa, búgingi tańda 33 paıyzǵa deıin kemidi», - dedi ol.